കൃതജ്ഞതയും പരാതിയും

ഞാൻ അറിവില്ലാത്ത ദാസൻ.

എങ്കിലും നന്ദിയുണ്ട് നിന്നോട്-
ലാഹൂത് ഗേഹവുമായി ഒരു ബന്ധം
എനിക്കുള്ളിൽ ഒളിപ്പിച്ചു വച്ചതിന്.

ലാഹോർ മുതൽ ബുഖാറയും സമർഖന്ദും വരെ,
ഞാൻ ഹൃദയങ്ങൾക്ക് നൽകിയിരിക്കുന്നു,
പുതിയൊരാവേശം.

എന്റെ ആത്മാവിന്റെ സ്വാധീനം നോക്കൂ.

എന്തെന്നാൽ, ശിശിരത്തിലെ
പുലർവേളകളിൽ
പാട്ടുപാടുന്ന കിളികൾ
എന്റെ സഹവാസത്തിൽ സന്തുഷ്ടരായ് കാണപ്പെടുന്നു.


എങ്കിലും നീ
അടിമത്വത്തിൽ സംതൃപ്തരായ ആളുകളുടെ ദേശത്ത് തന്നെ

ജനിപ്പിച്ചല്ലോ എന്നെ!